نئی کاواساکی زیڈ 900 بی ایس 6 ہندوستان میں لانچ، قیمت 8.5 لاکھ سے شروع

آٹو ڈسک،27ڈسمبر(اردو پوسٹ انڈیا ڈاٹ کام) کاواساکی نے اپنی اسٹارٹ اپ نیکڈ بائیک زیڈ 900 کا نیا ماڈل ہندوستان میں لانچ کردیا۔ 2020 کاواساکی زیڈ 900 میں بی ایس 6 انجن دیا گیا ہے۔ یہ بی ایس 6 کمپلائنٹ انجن والی کاواساکی کی پہلی بائیک ہے۔ اسکی قیمت 8.5 لاکھ سے 9 لاکھ روپے ہے۔ بی ایس 4 ماڈل کے مقابلے اسکی قیمت قریب ایک لاکھ روپے سے زیادہ ہے۔ کاواساکی زیڈ 900 کے بی ایس 4 ماڈل کی ایکس شوروم قیمت 7.69 لاکھ روپے ہے۔

اپ ڈیٹ کاواساکی زیڈ 900 کے لک میں کوئی بڑا بدلاؤ نہیں ہوا ہے۔ لیکن اس میں کئی لیٹیسٹ فیچر شامل کیے گئے ہیں۔ کاواساکی کی اس شاندار بائیک میں اب چار رائیڈنگ موڈ ۔ سپورٹ، رین، روڈ، اور مینول ملیں گے۔ ساتھ ہی اس میں 3 لیول ٹریکشن کنٹرول اور دو پاور موڈ دیئے گئے ہیں۔

بی ایس 6 کاواساکی زیڈ 900 میں نیا 10.9 سیمی کا ٹی ایف ٹی انسٹرومنٹ کنسول دیا گیا ہے۔ جس میں کاواساکی ریڈیولاجی ایپ کے ذریعہ سے اسمارٹ فون کے ساتھ نئے فیچرس کا ایکسس ملے گا۔ اسکے علاوہ بائیک میں ایل ای ڈی ہیڈ لیمپ دیا گیا ہے۔ جبکہ بی ایس میں ہیلوجن یونٹ ہے۔

انجن

اپ ڈیٹ ماڈل میں دیئے گئے انجن کا آوٹ پٹ بی ایس 4 ورژن کے برابر ہے، لیکن اب یہ انجن بی ایس 6 کمپلائنٹ ہے۔ بی ایس کاواساکی زیڈ 900 میں 948 سی سی ان۔ لائن 4 سلنڈر انجن ہے۔ یہ موٹر 9500 آر پی ایم پر 123 بی ایچ پی کا پاور اور 7700 آر پی ایم پر 98.6 این ایم پک ٹرک جنریٹ کرتا ہے