امیتابھ بچن بالی ووڈ کو الوداع کہیں گے، بلاگ میں لکھی ریٹائرمنٹ کی بات

فلمی ڈسک،30نومبر(اردو پوسٹ انڈیا ڈاٹ کام) بالی ووڈ اسٹار امیتابھ بچن اب ریٹائر ہونے کی سوچ رہے ہیں- ایسا ہم نہیں بلکہ خود بگ بی نے اپنے بلاگ پر لکھا ہے اور اس طرف اشارہ کیا ہے- امیتابھ بچن نے بلاگ میں بالی ووڈ سے اب ریٹائرمنٹ کی بات کہی ہے-

دراصل امیتابھ بچن فلم براہمسترا کی شوٹنگ کے لیے منالی میں ہے- انہوں نے راستے کا تجربہ شیئر کرتے ہوئے اپنی تکلیف بیان کی-

امیتابھ نے لکھا، مجھے یہاں اس چھوٹی سی خوبصورت جگہ پر گاڑی سے پہچنے میں 12 گھنٹے لگے- روڈ بہت اچھی نہیں ہے- کمرے اور ماحول بھی الگ ہے- مجھے اب ریٹائر ہونا پڑے گا- میرا دماغ کہی اور ہے اور انگلیاں کچھ اور کررہی ہے – یہ ایک میسج ہے-

حال ہی میں امیتابھ بچن کی طبعیت خراب ہونے کے بعد انہیں ہاسپٹل میں شریک کرایا گیا تھا، انہیں بیڈ ریسٹ کرنے کی صلاح دی گئی تھی-

امیتابھ نے کہا کہ انکا جسم اب انہیں آرام کرنے کا اشارہ دے رہا ہے- کچھ دن پہلے ہی بگ بی نے بستر پر آرام کرتے ہوئے خود کی تصویر پوسٹ کی تھی – تصویر میں صرف موزے پہنے انکے پیر دیکھائی دے رہے ہیں اور وہ ٹی وی پر فٹ بال میچ دیکھ رہے ہیں-

امیتابھ بچن نے حال ہی میں بالی ووڈ میں اپنے 50 سال پورے کیے ہیں- بگ بی نے سال 1969 میں فلم سات ہندوستانی سے اپنا بالی ووڈ ڈیبیو کیا تھا-